Surah Al-Isra Translate in Khmer

មហាកត្តិគុណលោកដែលបាននាំអ្នកគោរពរបស់លោក ធ្វើរាត្រីចរនាពេលរាត្រី ពីម៉ាស្ជីទីលហារ៉មឆ្ពោះទៅកាន់ម៉ាស្ជីទីលអក់ស័រ ដែលយើងបានប្រសិទ្ធិនៅជុំវិញ វិហារនោះ ដើម្បីយើងនឹងបង្ហាញឱ្យគេឃើញពីភស្តុតាងៗរបស់យើង។ ការពិត លោកជាអ្នកឮ ជាអ្នកឃើញបំផុត
ហើយយើងបានផ្តល់ទៅមូសានូវគម្ពីរ រួច យើងបានចាត់ទុកគម្ពីរនោះ ជាមគ្គុទ្ទេសន៍មួយសម្រាប់បុត្រអ៊ីស្រាឯល គឺចូរពួក អ្នកកុំទទួលយកក្រៅពីយើងធ្វើជាអ្នកគាំពារឡើយ
កូនចៅតំណវង្សត្រកូល របស់អ្នក ដែលយើងបានដឹកជញ្ជូនរួមជាមួយណូហ៍។ ការពិតគាត់ជាអ្នកគោរព ម្នាក់ដែលកតញ្ញុតា
ចំពោះបុត្រអ៊ីស្រាឯល យើងបានសម្រេចនៅក្នុងគម្ពី ពួក អ្នកពិតជាប្រព្រឹត្តព្រៃផ្សៃពីរដងនៅលើដី ហើយពួកអ្នកពិតជាវាយឫកក្អេងក្អាង ដ៏សម្បើម
កាលណាការសន្យាលើកទីមួយ នៃទាំងពីរលើកបានមកដល់ យើង បានចាត់តាំងទៅលើពួកអ្នក នូវមនុស្សរបស់យើង ដែលប្រកបដោយអំណាចដ៏ ខ្លាំងក្លាបំផុត រួចពួកគេក៏បានជ្រៀតទំលុះចូលទៅក្នុងភូមិទាំងឡាយ។ ហើយ វាជាសន្យាមួយដែលត្រូវអនុវត្ត
ក្រោយមក យើងបានប្រគល់ជូនឱ្យពួកអ្នក វិញ(ជ័យជំនះ)ទៅលើពួកគេ ហើយយើងបានជួយពួកអ្នកដោយទ្រព្យសម្បត្តិ និង បុត្រទាំងឡាយ រួចយើងបានចាត់ពួកអ្នកជាគ្នាច្រើនបំផុត
ប្រសិនបើពួកអ្នក បានសាងកុសល គឺពួកអ្នកបានសាងកុសលសម្រាប់ជូនខ្លួនពួកអ្នកផ្ទាល់តែបើពួក អ្នកបានសាងអកុសលវិញ ក៏សម្រាប់ជូនដល់ខ្លួនឯងដែរ។ រួចមក កាលណាការ សន្យាចុងក្រោយបានមកដល់ ដើម្បីពួកគេនឹងបង្អាប់មុខពួកអ្នក និងដើម្បីពួកគេ នឹងចូលទៅវិហារ ដូចដែលពួកគេធ្លាប់បានចូលទៅនាគ្រាដំបូង ព្រមទាំងដើម្បី ឱ្យពួកគេនឹងបំផ្លាញជាវិនាសកម្មមួយ ចំពោះអ្វីដែលពួកគេមានអំណាចនោះ
សង្ឃឹមថា ម្ចាស់របស់ពួកអ្នកនឹងអាណិតអាសូរពួកអ្នក។ ហើយប្រសិនបើពួកអ្នកបានត្រលប់វិញ យើងក៏បានត្រឡប់វិញដែរ។ ហើយយើងបានចាត់ទុកនរកឆាបឆេះ ជាពន្ធនាគារមួយសម្រាប់ ពួកដែលមិនមានជំនឿ
ការពិតគួរអាននេះ ដឹកនាំសម្រាប់ប្រការដែលត្រឹមត្រូវបំផុត ហើយ លើកទឹកចិត្តពួកដែលមានជំនឿ ដែលពួកគេសាងអំពើកុសលទាំងឡាយ ការពិតសម្រាប់ពួកគេ រង្វាន់មួយធំក្រៃលែង
ការពិតពួកដែលមិនជឿនឹងថ្ងៃអវសាន យើងបានរៀបចំសម្រាប់ពួក គេនូវទណ្ឌកម្មមួយដ៏ខ្លោចផ្សាបំផុត
Load More