Surah Fatir Translate in Khmer

ការសរសើរសំរាប់អល់ឡោះ ដែលជាអ្នកបង្កើតមេឃទាំងឡាយនិងដី ដែលជាអ្នកចាត់ពួក ម៉ាឡាអ៊ីកាត់ទាំងឡាយជារ៉សូលៗ ដែលមានស្លាបពីរ បី និងបួន។ លោកនឹងថែមទៅក្នុងការ បង្កើតនូវអ្វីដែលលោកប្រាថ្នា អល់ឡោះពិតិជាអ្នកដែលមានសមត្ថភាពលើសព្វសារពើ
អ្វីក៏ដោយដែលអល់ឡោះនឹងបើកឡើង សម្រាប់មនុស្សទាំងឡាយពីក្តីអាណិតអាសូរណា មួយ ក៏គ្មានអ្នកខារខាំងចំពោះវាដែរ។ ហើយអ្វីក៏ដោយដែលលោកខារខាំងក៏គ្មានអ្នកចាត់ បញ្ជូនចំពោះវាដែរក្រោយពីលោកមក។ ហើយលោកជាអ្នកពលានុពល មហាគតិបណ្ឌិត
ឱមនុស្សទាំងឡាយ! ចូរពួកអ្នកនឹករលឹកទៅការុណភាពរបស់អល់ឡោះមកលើពួកអ្នក។ តើមានអ្នកបង្កើតណាម្នាក់ក្រៅពីអល់ឡោះ ដែលនឹងផ្តល់ភាក្សាហារដល់ពួកអ្នកពីមេឃ និងដី។គ្មានម្ចាស់ណាមួយទេ មានតែលោក។ ចុះហេតុម្តេចបានជាគេបង្វែរពួកអ្នកបាន?
ហើយប្រសិនបើគេមួលបង្កាច់ចំពោះអ្នក ក៏គេពិតជាធ្លាប់បានមួលបង្កាច់ចំពោះរ៉សូលៗកាល សម័យមុនអ្នកដែរ។ ហើយឆ្ពោះទៅកាន់អល់ឡោះ គេនឹងនាំទៅនូវកិច្ចការទាំងឡាយ
ឱពួកមនុស្ស! ការសន្យារបស់អល់ឡោះពិតជាសច្ចៈ។ ដូចនេះ ចូរកុំឱ្យជិវិតលោកិយបោក បញ្ឆោតពួកអ្នកបាន ហើយចូរកុំឱ្យការបញ្ឆោតទាំងឡាយ បោកបញ្ឆាតពួកអ្នកពីអល់ឡោះ បានឱ្យសោះ
ស្ហៃតនពិតជាសត្រូវមួយចំពោះពួកអ្នក ដូចនេះ សូមពួកអ្នកចាត់ទុកវាធ្វើ ជាសត្រូវមួយ។ ការពិតវាកំពុងតែអំពាវនាវបក្ខពួករបស់ពួកវា ដើម្បីឱ្យពួកគេមាននៅក្នុង ចំណោមពួកភ្លើងនរកដ៏សន្ធោសន្ធៅប៉ុណ្ណោះ
ពួកដែលមិនបានជឿ សម្រាប់ពួកគេ គឺ ទណ្ឌកម្មមួយដ៏ខ្លាំងក្លា។ ហើយពួកដែលបានជឿ និងបានសាងកុសលទាំងឡាយ សម្រាប់ ពួកគេ គឺការអភ័យទោសមួយនិងរង្វាន់មួយដ៏មហាធំធេង
ជនដែលគេបានតាក់តែងឱ្យ នូវអកុសលនៃអំពើអាក្រក់របស់គេ រួចមក តើជននោះមើលអកុសលនោះជាកុសលមួយវិញ ឬ? អល់ឡោះ គឺពិតជានឹងបន្សាត់ជនដែលលោកប្រាថ្នា ហើយលោកនឹងធ្វើមគ្គុទ្ទេសជន ដែលលោកប្រាថ្នា ដូច្នេះ ចូរកុំឱ្យខ្លួនអ្នកវិនាស ព្រោះតែការសោកស្តាយទៅលើពួកគេ។ អល់ឡោះពិតជាដឹងបំផុតនូវអ្វីដែលពួកគេប្រព្រឹត្ត
ហើយអល់ឡោះ ជាអ្នកដែលបានចាត់ បញ្ជូនវាយោទាំងឡាយ រួចមកវាយោនោះនឹងផាត់ពពកមួយ រួចមកយើងបានជំរុញទឹក ពពកនោះទៅកាន់ប្រទេសភូមិមួយដែលស្លាប់ រួចមក ដោយសារទឹក យើងបានឱ្យជីវិតទៅដី បន្ទាប់ពីដីស្លាប់នោះ ប្រៀបដូចនេះដែរ ការរស់ឡើងវិញ
ជនណាហើយដែលមានបំណង អានុភាព គឺអល់ឡោះមានអានុភាពទាំងអស់។ សំដីល្អ និងអំពើកុសលនឹងឡើងឆ្ពោះទៅកាន់ លោក លោកនឹងលើកកំពស់វា រីឯពួកដែលកំពុងប្រើល្បិចកលចំពោះអកុសលទាំងឡាយ សម្រាប់ពួកគេ គឺទណ្ឌកម្មមួយដ៏ខ្លោចផ្សាបំផុត ហើយល្បិចកលរបស់ពួកទាំងអស់នេះ វានឹង វិនាស
Load More