Surah Al-Haaqqa Translate in Tatar

Барча серне ача торган хак булган кыямәт көне.
Нинди олугъ куркынычлы көндер ул кыямәт.
Кыямәтнең куркынычлы көн икәнлеген вә аның хакыйкатен сиңа нәрсә белдерде? Ягъни Аллаһ белдермәсе, үзлегеңнән һич белә алмассың.
Сәмуд вә Гад кавемнәре кыямәтне ялганга тоттылар.
Әмма Сәмуд кавеме шиксез каты тавыш белән һәлак ителделәр.
Әмма Гад кавеме каты тавышлы үткен җил белән һәлак ителделәр.
Ул җилне аларга җиде төн вә сигез көн тоташтан ирекле кылды, ул җилдә кешеләрне буылып һәлак булган кеби күрер идең, гүя алар эче куыш хөрмә агачының төбе кеби булып калганнар.
Алардан калган берәр кешене күрерсеңме? Юк, әлбәттә, алардан һичкем калмаган.
Фиргаун вә аннан элек булган кешеләр һәм Лут пәйгамбәрнең кавеме гөнаһлы эшләрне вә хаталарны күп кылдылар.
Алар Раббыларының пәйгамбәренә гасый гөнаһлы булдылар, аларны Аллаһуның ґәзабы тотты, ычкындырмый торган тоту белән.
Load More