Surah Ghafir Translate in Sindhi

حٰمٓ
(ھن) ڪتاب جو ھيٺ لاھڻ الله غالب ڄاڻندڙ وٽان آھي
جو گناھ بخشيندڙ ۽ توبھ قبول ڪندڙ سخت سزا ڏيندڙ وڏيءَ سگھ وارو آھي، اُن کانسواءِ (ٻيو) ڪو عبادت جو لائق نہ آھي، ڏانھس ورڻو آھي
ڪافرن کانسواءِ الله جي آيتن بابت (ٻيو) ڪوبہ تڪرار نہ ڪندو آھي، پوءِ شھرن ۾ (واپار لاءِ) سندن اچ وڃ تو کي نہ ٺڳي
کانئن اڳ نُوح جي قوم ۽ انھن کانپوءِ ٻـين (ڪيترين ئي) ٽولين ڪُوڙ ڄاتو، ۽ سڀڪنھن ٽوليءَ پنھنجي پيغمبر جو ارادو ڪيو تہ کيس پڪڙين، ۽ اجاين (ڳالھين) سان جھيڙو ڪندا رھيا تہ جيئن اُن سان حق کي ٿيڙين، پوءِ کين ورتم، پوءِ منھنجي سزا (ڏيڻ) ڪيئن ھئي!
۽ اھڙيءَ طرح تنھنجي پالڻھار جو حُڪم ڪافرن تي ثابت ٿيو آھي تہ اُھي دوزخي آھن
جيڪي (ملائڪ) عرش کي کڻندا آھن ۽ جيڪي اُن جي چوڌاري آھن سي پنھنجي پالڻھار جي پاڪائي ساراھ سان گڏ بيان ڪندا آھن ۽ مٿس ايمان آڻيندا آھن ۽ مؤمن لاءِ بخشش گھرندا آھن، (چوندا آھن تہ) اي اسان جا پالڻھار! سڀڪنھن شئي کي (پنھنجيءَ) ٻاجھ ۽ علم ۾ وڪوڙيو اٿيئي، تنھنڪري جن توبھ ڪئي ۽ تنھنجي واٽ جي تابعداري ڪئي، تن کي بخش ۽ کين دوزخ جي عذاب کان بچاءِ
اي اسان جا پالڻھار! کين اُن ھميشہ رھڻ وارن باغن ۾ داخل ڪر، جن جو ساڻن وعدو ڪيو اٿيئي ۽ جيڪو سندن پين ڏاڏن ۽ سندن زالن ۽ سندن اولاد مان سڌريل ھجي، تنھن کي بہ (اُنھن باغن ۾ داخل ڪر)، بيشڪ تون ئي غالب حڪمت وارو آھين
۽ کين سختين کان بچاءِ، ۽ جنھن کي اُن ڏينھن ۾ سختين کان بچايُئي تنھن تي بيشڪ رحم ڪيئي، ۽ اِھو (بچائڻ) وڏي مُراد ماڻڻ آھي
بيشڪ، جن ڪُفر ڪيو تن کي سڏبو (۽ چئبو) تہ الله جو (اوھان تي) ڏمرجڻ اوھان جي پاڻ تي (اڄ جي) ڏمرجڻ کان تمام وڏو آھي، جڏھن جو اوھان کي (دنيا ۾) ايمان ڏانھن سڏبو ھو ۽ نہ مڃيندا ھئو
Load More