Surah Qaf Translate in Sindhi

قٓ، سڳوري قرآن جو قسم آھي (تہ تون الله جو پيغمبر آھين)
بلڪ (مڪي وارن) پنھنجيءَ قوم منجھان پاڻ وٽ ھڪ ڊيڄاريندڙ جي اچڻ جو عجب ڪيو، پوءِ ڪافرن چيو تہ، ھيءَ عجيب ڳالھ آھي
ڀلا جڏھن مرنداسون ۽ مٽي ٿينداسون (تڏھن وري جيئرا ٿينداسون ڇا؟)، اِھو (وري جيئرو ڪري) موٽائڻ (عقل کان) پري آھي
انھن (جي جسمن) مان جيڪي زمين (ڳاري) گھٽائيندي آھي، سو بہ بيشڪ ڄاتو اٿئون، ۽ اسان وٽ ھڪ حفاظت ڪندڙ ڪتاب آھي
بلڪ سچو دين جڏھن وٽن آيو (تڏھن) اُن کي ڪوڙ ڄاتائون، پوءِ اُھي وچڙيل ڳالھ ۾ (اَڙيل) آھن
پوءِ آسمان جو سندن مٿان آھي، تنھن ڏانھن نہ ڏٺو اٿن ڇا؟ تہ اُن کي ڪيئن بڻايو اٿئون ۽ اُن کي (ڪيئن) سينگاريو اٿئون ۽ اُن ۾ ڪا ڦوٽ نہ آھي
۽ زمين کي پکيڙيوسون ۽ منجھس جبل کوڙياسون ۽ منجھس سڀڪنھن وڻندڙ جنس مان (سلا) ڄماياسون
سڀڪنھن (الله ڏانھن) ورندڙ ٻانھي جي واٽ ڏيکارڻ ۽ نصيحت ڏيڻ لاءِ
۽ آسمان کان برڪت وارو پاڻي لاٿوسون، پوءِ اُن سان باغ ۽ لڻڻ واري پوک جو اَن ڄمايوسون
۽ ڊگھيون کجيون (بہ) جن جا گوشا (ڏوڪن سان) سٿيل آھن
Load More